YAZI TƏLİMİNİN ÜSULLARI

 Cəld yazı 

Cəld yazı üsulu şagirdlərə sadəcə bir neçə dəqiqə (beş dəqiqədən çox olmayaraq) içində bir mövzu haqqında yazmaq və ya bir sualı cavablamaq imkanı verir. Bu çox zaman şagirdlərin tamamlayacağı yarımçıq bir cümlə ilə başlaya bilər. Şagirdlər qələmi kağızın üzərindən çəkmədən sanki ucadan düşünürlərmiş kimi yazırlar. Necə yazdıqlarına deyil, nə yazdıqlarına diqqət etməlidirlər. Müəllim bir neçə şagirddən yazdıqlarını oxumalarını xahiş edə bilər. Cəld yazı texnikası çox vaxt gözlənti yaratma və ya birləşdirmə mərhələsində istifadə olunur. Cəld yazı riyaziyyat da daxil olmaqla bütün tədris fənləri çərçivəsində istifadə oluna bilər.

 Sərbəst yazı 

Sərbəst yazı Cəld yazı üsuluna oxşardır, lakin burada şagirdlərə daha çox vaxt verilir. Müəllim şagirdlərə 5-10 dəqiqə müddətində bir mövzu haqqında mümkün qədər çox şey yazmalarını təklif edir. Vaxt başa çatdıqdan sonra yazmaqda olduqları son fi kirlərini tamamlamaq üçün şagirdlərə daha bir dəqiqə vaxt verilə bilər. Cəld yazı işində olduğu kimi şagirdlər qrammatika və orfqrafi ya qaydalarına deyil, sadəcə ideya və fi kirlərə diqqət yetirməlidirlər. Bu üsulu bütün fənlərə tətbiq etmək olar. Şagirdlərə yazdıqları fikirləri paylaşma imkanı verilməlidir. Ümumiyyətlə, Sərbəst yazı birləşdirmə fəaliyyəti kimi istifadə olunur, lakin gözlənti yaratma mərhələsində də istifadə oluna bilər.

İki hissəli gündəlik

 İki hissəli gündəlik şagirdlərə mətni anlayaraq oxumağa və sonra isə mətndə rastlaşdıqları fi kir və ideyalarla qarşılıqlı təsirdə olmağa imkan verən bir texnikadır. İki hissəli gündəlik düzəltmək çox asan bir işdir. Şagird ağ kağız vərəqinin ortasından şaquli bir xətt çəkir. Xətdən solda mətndən götürülmüş və onlara təsir edən parçaları, sağ tərəfə isə sol sütundakı parçalar haqqındakı düşüncələrini yazır.