Humanist və demokratik
prinsipləri üzərində qurulan müasir təhsil sistemi təlimin artıq pedaqogika
elminə məlum olan ənənəvi formalarının təkmilləşdirilməsini, eyni zamanda təlim prosesində yaradıcılıqla tətbiq oluna bilən qeyri-standart formalardan istifadəni
tələb edir.
Hazırki musiqi təliminin məzmunu, onu təşkil edən
standartlar elə qurulmuşdur ki, bunların
reallaşdırılması yeni formalar tətbiq edilmədən mümkün deyil. Ona görə də hər
bir standarta fərdi yanaşmaqla konfrans, seminar, müzakirə-diskussiya,
ekskursiya xarakterli dərs formalarından istifadə olunması məqsədəuyğun
sayılır.
Konfrans
dərs forması. Bu dərs forması təlim prosesində hər hansı bir
geniş mövzu mənimsədildikdən sonra tətbiq edilə bilər. Belə dərsi sinifdə,
yaxud məktəbin zalında təşkil etmək mümkündür.
Bunun üçün sinif 2 yerə
bölünür. 45 dəqiqənin 20 dəqiqəsi bir qrupa, digər 20 dəqiqəsi isə o biri qrupa
ayrılır. Yerdə qalan 5 dəqiqəni müəllim dərsin yekunlaşdırılmasına sərf edir.
Birinci 20 dəqiqədə 1-ci qrup mövzu ilə əlaqədar
suallar verir, o biri qrup isə həmin suallara cavab verir. Sonrakı 20 dəqiqədə
qruplar öz yerlərini dəyişirlər. 40 dəqiqə bitdikdən sonra müəllim qalan 5 dəqiqə
ərzində konfransın səviyyəsini, fəal olanları və düzgün cavab verənləri qeyd
edir, onları qiymətləndirir.
Müzakirə-diskussiya
dərslərində sinifdəki bütün şagirdlər hər
hansı bir mövzunun müzakirəsində iştirak edirlər. Müzakirə prosesində məktəblilərin
hər biri mövzu ilə əlaqədar fikirlərini söyləmək imkanı qazanırlarBu dərs
forması şagirdlərdə əməkdaşlıq etmək, fakir mübadiləsi aparmaq, başqalarının rəy və mülahizələrinə hörmətlə
yanaşmaq və ümumiləşdirmə bacarıqlarının formalaşmasına müsbət təsir göstərir.
Ekskursiya
dərs forması.Ekskursiya
dərs formasının başlıca əhəmiyyəti ondan ibarətdir ki, təlim materialının
bilavasitə əyani surətdə tədrisinə əlverişli şərait yaranır. Belə dərslər
ev-muzeylərdə, teatrlarda aparıla bilər. Ekskursiya - dərslərdə şagirdlər dərs
prosesində əldə etdikləri məlumatları əyani müşahidə edir, daha təfərrüatlı
biliklər qazanır, onları təkrarlayır, tətbiq edir, dünyagörüşlərini genişləndirirlər.
Müasir dövrün tələblərinə uyğun olaraq, “Musiqi” fənninin
tədrisində istifadə olunan yeni təlim üsullarını aşağıdakı kimi qruplaşdırmaq olar:
·
İnsert
·
BİBÖ
·
Beyin
fırtınası
·
Venn
diaqramı
İnsert
metodu. Bu, işarələr sistemindən istifadə
edib, düzgün cavab axtarılması metodudur.
Dərsdə informasiya xarakterli mətnləri oxuyub, seçmək
üçün şagirdlərə müəyyən mətn paylanır. Mətndə
hər bir abzasın qarşısında aşağıdakı işarələrdən biri qoyulur:
? – məlumat
başa düşülmür;
В – əvvəl
bildiklərim;
+ – yeni məlumat;
– – əvvəl bildiklərimi inkar edən biliklər.
Beləliklə,
bütün siniflə ümumiləşdirmələr aparılır, məlumatın şagirdlərə nə dərəcədə aydın
olduğu və ya aydın olmadığı, eləcə də
onlar üçün yeni biliklər müəyyənləşdirilir və izah edilir.
Beyin flrtınası. Bu metod tətbiq edilərkən, şagirdlərin sərbəst fikirlərindən istifadə
olunur. Bunun üçün müəllim bütün sinfi müəyyən bir problemlə əlaqədar fikir
söyləmək üçün səfərbər edir və qısa müddətdə şagirdlər bu problemlə əlaqədar
bildiklərini söyləyirlər. Müəllim fikirlərin hamısını dinləyir, lakin onları
şərh etmir. Sonra bu fikirlər müəllim tərəfindən təhlil olunur və izah edilir.
Bu metodun məqsədi qısa müddətdə şagirdlərdən daha
çox fikir toplayıb, onları ümumiləşdirməkdir.
BİBÖ cədvəli.
Bu metodun tətbiqində məqsəd əvvəlki
bilik və təcrübə ilə yeni bilik arasında əlaqə yaratmaqdır. Bu metod «beyin
fırtınası» üsulu ilə başlaya bilər. Sinif cütlərə və ya qruplara bölünür, mövzu elan edilir. Mövzu ilə
bağlı olan yeni söz və terminlər aydınlaşdırılıb cədvəldə yerinə yazılır.
Bilirəm
|
Bilmək istəyirəm
|
Öyrəndim
|
Bundan sonra cütlər və ya qruplar müəllimlə mövzu ətrafında
fikir mübadiləsi aparır və ümumiləşdirilmiş fikir lövhədəki cədvəldə qeyd
olunur.
Комментариев нет:
Отправить комментарий